घर के ले बनाउने र घर कत्रो बनाउने भन्ने मुख्य
प्रश्नहरु पछि आउने अर्को कुरा भनेको घर कस्तो बनाउने भन्ने नै हो । घर कस्तो
बनाउने भन्ने कुरा हामी सबैको आआफ्नो छनोट हो । हाम्रो छनोट चाहिँ विभिन्न
कुराहरुबाट प्रभावित भइरहेको हुन्छ ।
जस्तै अमेरिका गएका र बसोबास गरेका साथीहरुको छनोट
कोरिया वा जापान गएका साथीहरुको छनोटसङ्ग फरक परेको हुन्छ किनभने उनीहरुले देखाइ र
भोगाइ र जीवनशैलीमा केही फरक हुन्छ । त्यस्तै घर कस्तो बनाउने भन्ने छनोट आफ्नो
निजी आम्दानीमा पनि भर पर्छ । महिनामा लाख कमाउने व्यक्तिले बनाउन चाहने घर भन्दा
महिनाको करोडमा कमाउने व्यक्तिको भन्दा निकै नै भव्य हुन्छ । कोही व्यक्ति युरोप
अमेरिकमा देखेझैँ आधुनिक घर तथा बङ्गलामा रमाउँछन् भने कोही व्यक्ति विदेशमै बसेको
भए पनि परम्परागत नेपाली घरको भव्यतामै रमाउँछन् ।
घर निर्माण प्रविधिको विचार गर्दा दुई किसिमका
घरहरु हुन्छन्, आरसिसी ढलान प्रविधि र गारोले लोड थाम्ने प्रविधि । आजभोली शहरी र ग्रामीण
क्षेत्रमा पनि आरसीसी प्रविधिकै घर धेरै प्रचलित छ ।
आरसीसी घर
आरसीसी घरमा लोड थाम्ने भनेको बिम र पिलरले हो ।
स्ल्याबमा आएको लोड बिममा बाँडिन्छ र बिमको लोड पिलरमा र पिलरको लोड फाउण्डेशनमा र
फाउण्डेशनको लोड माटोमा जान्छ । आरसीसी घर सिमेन्ट वा स्टीलले बन्छ । सिमेन्ट र स्टीलमा
धेरै अध्ययन अनुसन्धान भएका छन् र इन्जिनियरहरु पनि भूकम्प प्रतिरोधी घर बनाउन
तालिम प्राप्त छन् ।
आरसीसी प्रविधिका घर अन्तरगत विभिन्न प्रकारका
घरहरु प्रचलनमा छन् ।
बक्स स्टाइलका घर
बक्स स्टाइलका घर नेपालमा धेरै प्रचलनमा छन् । बक्स डिजाइनका घरहरुको विशेषता भनेको यसको लुक्स बक्सहरु वा क्युबहरुलाई ल्याएर खापेजस्तो देखिन्छ र लुक्स शानदार हुन्छ । फिनिसिङ्मा धेरै ध्यान दिइने भएको हुँदा यसलाई रिमोडेल गर्न र रिडिजाइन गर्न पनि सजिलो हुन्छ । यसलाई मुख्य रुपमा स्टील स्ट्रक्चर प्रविधिमा बनाइन्छ ।
बक्स स्टाइल घरका फिचरहरु
- बक्सहरु खप्टाएर राखेजस्तो देखिने
- स्वायर र रेक्ट्याङ्गुलर शेपमा निर्माण गरिने
- तीखा र बोल्ड लुक्स भएका कुनाहरु
- राम्ररी पहिचान गर्न सकिने एङ्गुलर सेपहरु
- घाम र पानीबाट झ्यालढोकालाई बचाउन गाह्रो हुने
स्लोप डिजाइनको घर
स्लोप डिजाइनको घर बक्स डिजाइनको घरसङ्ग धेरै
हदसम्म मिल्दोजुल्दो हुन्छ । तर यसमा फरक हुने भनेको यसका पिलरहरु र फाउण्डेशनहरु
जमिनको स्लोप अनुसार विभिन्न फरक तहमा निर्माण हुन्छन् । स्लोप डिजाइन घरका
विशेषताहरु तल दिइएका छन्
- पहाडी क्षेत्रमा निर्माण गर्न उपयुक्त
- कम ठाउँमा धेरै डिजाइन निकाल्न सकिने
- हेर्नमा अन्य डिजाइनका घरहरुभन्दा आकर्षक
- जग्गाको स्पेश म्यानेजमेन्ट राम्रोसङ्ग गर्न
सकिने
स्टील स्ट्रक्चरको घर
स्टील स्ट्रक्चरको घर व्यापारिक कम्प्लेक्स र हाइराइज घरहरुका लागि सबैभन्दा उपयुक्त र आधुनिक प्रविधि हो । व्यापारिक घरहरु छिटो निर्माण गर्न पाए त्यसबाट धेरै आम्दानी गर्न सकिने हुन्छ । यस्तोमा एकदम चाँडै निर्माण सम्पन्न गर्नको लागि स्टील स्ट्रक्चरको घरलाई प्राथमिकता दिइन्छ । अनि हाइराइज बिल्डिङमा पनि स्टील स्ट्रक्चरको प्रयोग गरिन्छ किनभने हाइराइज घरहरुमा आरसिसीको पिलरको मोटाइ बढ्दै जान्छ र यसले गर्दा खर्च धेरै पर्न जान्छ । त्यसका साथै भूकम्पीय प्रविधिका लागि पनि स्टील स्ट्रक्चरको प्रयोग बढी इफेक्टिभ मानिन्छ ।
स्टील स्ट्रक्चरका विशेषताहरु
- एक ठाउँबाट अर्कोठाउँ घरको स्ट्रक्चरलाई सार्न
सकिने
- निर्माण गर्दा ढलान सुक्नका लागि पर्खिनु नपर्ने
- भूकम्पका बेलामा लच्किने क्षमता धेरै भएको
- फिनिसिङमा भने अलि धेरै रकम खर्चिनुपर्ने
- व्यापारिक भवनका लागि सबैभन्दा उपयुक्त
नियोक्लासिकल डिजाइनको घर
नियोक्लासिकल डिजाइनको घर हाल नेपालमा चलिरहेको
सबैभन्दा पपुलर घर हो । नियोक्लासिकल घरको सुरुवात युरोपमा भएको हो र राणाकालमा यो
डिजाइन नेपाल भित्रिएको हो । राणाकालीन नियोक्लासिकल घरहरु गारोले लोड थाम्ने गरी
बनेको हो तर हाल यो डिजाइन आरसीसी प्रविधिमा प्रचलनमा आएको छ । नियोक्लासिकल घरका
केही फिचरहरु तल दिइएका छन्
- राजमहल जस्तो लुक्स देखिने
- उत्कृष्ट डिजाइन र फिनिसिङ
- बक्स माथि बुट्टाहरुले कभर गरी आकर्षक देखाइने
एस वाइ प्यानलको घर
एस वाइ प्यानलका घरहरु पनि स्टीलका फ्रेमवर्क प्रयोग गरेर नै बन्ने घरहरु हुन् । यसमा लाग्ने वाल प्यानल जस्ता सामग्रीहरु एस वाइ प्यानल नामक कम्पनीले नै उत्पादन गरेर बजारीकरण गर्ने गरेको छ ।
एस वाइ प्यानलका घरको विशेषता
- आकर्षक फिनिसिङ
- घरको स्ट्रक्चरमा भार कम पर्ने
- साउण्डप्रुफ र आगोबाट प्रतिरोधात्मक क्षमता
निश्चित घण्टाका लागि
प्रिफ्याबका घरहरु
प्रिफ्याबका घरहरु पनि एस वाइ प्यानल जस्तै
टेक्नोलोजीमा आधारित हो । प्रिफ्याब भनेको वाल लगाउने प्रविधि हो । प्रिफ्याबको
निर्माण सिमेन्ट जिप्सम र फाइबरको मिश्रणबाट हुन्छ । यो हलुका हुन्छ र घरमा भार कम
मात्र पर्ने गर्छ । विशेष गरी अस्थायी निर्माणका लागि वा कम महत्वपूर्ण निर्माणका
लागि यसको प्रयोग हुन्छ ।
प्रिफ्याब घरका विशेषताहरू
- कम तौल भएको
- घाम पानीबाट जोगाउन सक्ने
- १५ देखि २० वर्षको आयु भएको
- बेलाबेला क्रयाक आउने र मर्मत गर्नुपर्ने
मेसनरी घर
घरमा मोटो भित्ता हुने र भित्ताले नै घरको लोड थाम्ने प्रविधिलाई मेसनरी घर भनिन्छ । सिन्धु सभ्यताऽ ग्रिक सभ्यता आदि अधिकांश सभ्यतामा बनेका सबैजसो घरहरु यही प्रविधिमा आधारित छन् । नेपालमा पनि राणाकालीन दरबार शाहकालीन दरबार मध्यकालीन दरबारहरु हाम्रा गाउँघरका पाली र बार्दली भएका घरहरु सबै घरहरुमा गारोले नै घरको भार थाम्छन् ।
3 weeks ago